SUN世代：以父親為一生偶像
十九歲，Victor練到六舊腹肌，自我感覺良好，然後將威水史告訴父親，誰知迎來一盆冷水。父親說：「咁你孭唔孭得起頭家？」Victor語塞，霸氣盡失，只能死撐說句：「你講晒啦！」今年三十歲，他回憶這件往事，豁然明白當中奧妙：「我做咗人老竇，先知道自己細個頂嘴係幾乞人憎，原來孭起頭家、維繫家人感情需要學問，無論經濟上、時間分配都要處理得完善，呢樣嘢，我爹哋做得到。」
說到父親，他滔滔不絕，因為這位給他生命的人亦是他的偶像。「細個講志願，人哋講醫生律師，我就講金融地產，其實係受爹哋影響！佢細個好窮，白手興家，我一方面好尊敬佢，另一方面我哋關係似朋友，每星期飲三次早茶！」此際，他夢想成真，成為金融界新星。無論成長路有多曲折，性格怎變，他敬愛父親的心永不滅。
大學畢業，Victor（中）父母到場見證。
家人的鼓勵，是Victor（右二）努力工作的原動力。