恒生銀行副董事長兼行政總裁梁高美懿，過去一直鼓勵員工閒時做義工回饋社會，原來恒生義工舊年總共獻出近二萬五千小時服務社群，較前年大幅增加三成。梁太日前就喺恒生總行博愛堂舉行嘉許禮，表揚一班無私奉獻嘅義工。
梁太喺活動上話恒生義工嘅服務時數逐年遞升，反映同事們對義務工作有一份熱誠，佢鼓勵每位同事抽時間參與義工活動，分享回饋社會嘅喜悅同滿足感喎。恒生義工隊喺舊年搞咗逾百項義工活動，包括成立愛心剪髮隊服務長者、招待長者享用中秋午膳、樹木保育等。
梁高美懿（中）嘉許一百八十個義工同事，表揚佢哋去年嘅服務時數大躍進。
