SUN微博：唐夫子TANG MASTER戇Q

打橫嚟講：佢哋話：流選就最好！

今屆特首一日未選出，香港政圈的醜惡相一日不會停，哎呀！要澄清，再講，就算新特首勝出，本地政壇之核突嘢一樣繼續老土落去！

唐英年打消耗戰，爆料炸得梁振英忙於回應自保，陷於守多過攻的捱打困局，咁都未算慘，外圍的塘邊鶴卻又乘機抽水，借佢搵政治本錢。

一向聽命阿公的建制派領袖人物曾鈺成亦不理溫家寶「撳掣」支持梁振英的呼籲，大膽代言說「中央不希望流選，但也不怕流選」，暗示明示叫大家大可放心去投白票，此舉，一來他要報梁振英兩度「追魂call」的恩仇；二來，流選後，他有大條道理，準備充足的為國為黨為香港出征，披甲上陣，問鼎王位，所以，香港最不怕流選的人，一定是曾鈺成。

另一人，不特止唔怕流選，還最希望流選添！佢就係名震江湖的掃把頭是也！

掃把頭吼住特首寶座，口水流咗幾年，早前見唐梁醜聞勢危，已趁亂撲出加入戰團，可惜唔夠票入閘，遂死死氣企埋一邊，並買定保險，暗撐振英哥，博人家獎品，送佢CS聘書一份；若流選就更好，佢可翻頭嫁，再上轎，發個春秋黃帝夢，自瀆一番。

流選最大得益者，當然係香江第一貪官煲呔曾啦！起碼全港的注意力都去晒估領袖那裏，追究佢貪腐瀆職的彈劾，也相對平靜啲啦！唉！各懷鬼胎的香港，點會好呢？

歡迎add我facebook一齊鬧爆夕陽政府

彭志銘

次文化考古學家，對城中潮語有深入研究，博徵博引，廢官廢人行埋一邊。

就係咁爆：誰是特首？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot