政壇：政商定格：龐建貽提名葡萄酒10傑
早排迎娶新世界發展太子女鄭志雯嘅Paulo龐建貽，本身係葡萄酒商，佢得到全球首屈一指嘅葡萄酒市場研究機構酒智（Wine Intelligence）提名，角逐該機構嘅「10 for 10 Business Award」，表揚全球十位業界傑出人士，佢仲係全球唯一獲提名嘅酒商添！
雖然Paulo係「鋼鐵大王」龐鼎元嘅後人，但佢志不在此，喺十二年前成立大亞國際集團，起初為私人客戶、星級酒店、米芝蓮星級餐廳同私人會所提供制訂酒單、菜單配搭同葡萄酒投資等專業建議，現時已擁有六十幾萬樽、價值逾三億元嘅珍藏同頂級靚酒，客戶逾一萬二千個，係本港數一數二嘅酒商。
龐建貽現時已擁有六十幾萬樽、價值逾三億元嘅珍藏同頂級靚酒。