按揭證券公司上年七月推出安老按揭後,市場反應好過預期,去到今年二月底申請已逾二百宗,按證總裁James劉怡翔未有放鬆,仍然好積極咁落手落腳做宣傳,聽講按證拍咗段長達半個鐘介紹短片,佢粉墨登場。
James拍宣傳片係第一次。據了解,佢表現好專業,冇乜NG位,拍出嚟嘅效果好一氣呵成。
今次James嘅拍檔仲有甘草演員朱維德,加上潘芳芳做主持,一問一答解釋長者對安老按揭嘅疑慮。
劉怡翔粉墨登場,拍咗段長達半個鐘短片。