日前去咗泰國度假兼公幹嘅名媛榮文蔚，尋日叉足電返港，抵港後就發現唔見咗身份證（ID），於是急急走去警署報失。不過，當佢去到警署報案時，就喺手袋攞嘢期間搵番張身份證出嚟，於是乎就唔使報案喇。雖然佢今次擺咗個大烏龍，但都算係失而復得，唔使補領身份證咁麻煩嘛！
點解咁烏龍？事關佢個人比較「亂」喎。至於尋日「遺失」身份證嘅經過，佢話個身份證係同啲港幣同外幣放埋一齊，但唔知點解睇唔到。
榮文蔚尋日由泰國返港後，擺烏龍以為自己遺失身份證。（資料圖片）
