特首候選人唐唐喺上周五嘅辯論會中大爆行會機密，令唔少特首選委嘩然，可能要重新考慮投票意向。尋日喺一個公開場合遇到選委之一嘅全國政協委員盧文端同囝囝盧金榮，佢好神秘咁話投票除咗要睇候選人嘅表現、政綱外，仲要問一位識咗二十九年嘅老友意見，至決定投票畀邊個。
佢做咗十四年全國政協委員，之前又做咗十五年福建省政協委員，咁加埋咪啱啱二十九年，即係話，佢呢位朋友應該係佢做省政協時已認識。究竟係邊位？佢就點都唔肯講。
盧文端（左）話投票前會先問一位朋友嘅意見。右為其兒子盧金榮。
