政壇：政商定格：打吡賽變名人春裝騷
沙田馬場尋日舉行打吡大賽，喺氣溫接近攝氏三十度下，入場嘅名人都換上色彩斑斕嘅春裝。
溥儀眼鏡店老闆Jeffrey邱子傑同太太Margaret李茂琪十指緊扣到場，齊撐愛駒「追月」。Margaret由帽、戒指、手鈪到黃色連身裙都係幫襯Chanel，兩公婆仲着埋情侶鞋，鞋面黑色、鞋底紅色，行起上嚟步伐特別一致。
仁濟主席Edmond李文斌同哥哥Raymond李文俊嘅愛駒「包裝之寶」同「包裝選擇」分別出賽，佢哋當然帶埋愛妻撐場。Edmond太太Amanda着住老公送嘅綠色Gucci春裝，青春可人；Raymond太太Money則着住鮮紅色春裝。仁愛堂前主席Allen史立德同太太顏景蓮及囝囝史昊洺嘅「叻先生」以大熱姿態奪標，一家都高興萬分，遇正Allen早幾日牛一，雙喜臨門。
邱子傑（左）同太太李茂琪拍住拖入場，齊撐愛駒。
史立德（左）牛一獲愛妻送贈名呔，甜在心頭。（溫國佳攝）