政壇：搞搞政：金刀梁避談唐唐洩密
特首候選人唐唐早前喺選舉論壇上大爆行政會議內容，畀人話佢違反保密規定，好多前高官同行會成員都畀傳媒追問，唐唐爆嘅料係咪事實？現任行會成員「金刀梁」梁智鴻尋日出席再生會活動時，自然成為傳媒追訪對象。
金刀梁同勞工及福利局局長張建宗都有出席活動，但係局長同多位嘉賓都未走之際，金刀梁已靜雞雞「竄」咗離場，成功逃過大部分傳媒嘅追訪，不過仍有小部分傳媒成功「攔截」到佢，被問到點睇唐唐大爆行會機密，佢就話都冇聽到唐英年親口話喺行政會議嘅內容，所以唔評論，淨係強調自己會遵守保密原則。
係咪怕好似唐唐咁講多錯多抑或係貴人事忙？咁就只有佢先知，但睇嚟佢似係閃得就閃、避得就避多啲。
設計圖片及對白