近期拐子黨再現，已為人父嘅東華總理李鋈麟都打醒十二分精神，仲話有位深圳生意拍檔曾中招，雖然事隔十幾年，仍猶有餘悸。
話說該拍檔有一日帶住三歲女兒去街，一唔留神被人拐走咗，父親傷心不已，曾懸紅尋女，但一直音訊全無。直至三年後，至喺上海找到女兒蹤影。父親唔敢相信，寶貝女一手一腳被扭曲，變成傷殘，躲在街頭行乞度日，淪為拐子黨嘅搖錢樹。小女兒最後被救出，父親內疚不已。
李鋈麟知道好友遭遇後好難過，以此為鑑，小心睇實家中小朋友。
李鋈麟透露好友女兒曾遇拐子黨，遭遇苦不堪言。
