腦疾口齒不清 青年誓當歌手

【本報訊】「我想畀人知道傷殘人士唔係流嘅，我哋一樣有理想！」二十四歲的再生勇士鄺家豪獲獎後自豪地在台上高呼心聲，亦喚起一眾殘疾人士的共同願望。

熱愛唱歌的他自三歲起受盡多種腦部頑疾折磨，令他行動不便及口齒不清，但他並無放棄他的歌手夢，更拜師學藝，曾到醫院義演及於旺角街頭表演，只想高聲唱出一句：「從沒有放棄過心中的理想……」

醫院街頭表演贏掌聲

鄺家豪三歲至十九歲分別證實患上組織細胞增多症、腦垂體閉塞及小腦萎縮症，令他左盆骨、下顎及腦部均動過手術。

「足足做過四、五次手術，最辛苦係小學五年級，因為化療而成日嘔，搞到返唔到學，嗰時辛苦到想過死。」

不過，積極樂觀的鄺家豪未有因此被打低，認為「天生我才必有用」，即使近年因患上小腦萎縮症而需以拐杖協助步行，亦不忘追尋理想，更拜師學藝，練得一身好歌藝，曾到醫院及旺角街頭表演，引來不少掌聲，令他信心大增，夢想能有一天當上歌手。