CULTURE o翕： 環保新風以物換物

以為香港人浪費陋習已經失控，慶幸有年輕人自發組織以物易物活動，推動環保風。

物質能滿足心靈空虛，也塞滿港人的蝸居和不敷應用的堆填區。有年輕人積極推動環保風，自發以物易物。無論是二手，甚至全新物件，你情我願，就可交換。今時今日香港地，「以物易物」是環保新招，再不是塵封在歷史書的詞彙。

Kodi，「執嘢」負責人：期望扭轉港人浪費習慣。

「好多人買嗰時好鍾意，但買完就擺喺度，連包裝紙都未拆。」換物團體「執嘢」創辦人之一Kodi感嘆，港人喜歡「睇啱即買」，最終淪為擺設。她也曾在家中囤積物件，遂萌生以物換物概念。

「幾個女仔拎唔着嘅衫出嚟交換。」這個「小圈子」行動，後來流行起來。「我哋喺facebook開群組，好多人加入，發現香港真係有換物需要。」她說已舉辦兩次換物會，參加者帶來的物件種類繁多，令換物會愈搞愈大：「我哋無宣傳，都有一百七十人，大家可以帶用唔着嘅嘢嚟，到場揀吓有無嘢啱自己。」但活動背後的真正意義，仍需要時間傳揚。她不諱言有參加者只想拿走物件，但他們不會阻止，畢竟物件能找到歸宿，已經發揮最大價值。

Jason，「執嘢」負責人：鍾情換物，因可覓心頭好。

以為換物只受女性歡迎，原來男性的熱情也毫不遜色。80後男生Jason坦言換物能覓心頭好：「我鍾意換物，係因為可以拎到鍾意嘅嘢，我今日件衫都係換返嚟o架！」而身為「換物男將」，他強調換物並非女性行為：「其實都有唔少男仔出席，佢哋多數揀書籍、CD，都揀得好入神！」

Jason坦言部分物件沒有遇到有心人，但他們會盡最大努力，讓它們不致落入堆填區：「真係無人拎走嘅，我哋會捐畀慈善組織，畀一啲貧困家庭使用，或者放入分類回收箱，唔想佢哋變垃圾。」

Pete，「執嘢」負責人：換物要宣揚應買則買美德。

兩年前開始換物的Pete，並非天生購物狂，家中沒有多餘物件可供換物。他參與換物行動，最大動力是想帶出應買則買的美德。「好多人購物只係為滿足購買欲，最終製造太多垃圾。活動過後，大家學識減少胡亂購物、浪費，學識應買則買。」

不少人以為不再使用的物件是垃圾，但Pete強調要消除這個誤解：「你以為係無用嘅嘢，但其實好受歡迎。」他表示很多物主看見物品找到新主人時都十分興奮，更與對方交談，甚至成為朋友。