鋼琴演奏家郎朗事業有成，好多盛事都見佢亮相撐場，加上年輕、靚仔，女性粉絲唔少，圍繞佢嘅戀聞亦引人關注。日前就有內地媒體爆料，影到佢同一位性感女星共同出入酒店，懷疑郎朗蜜運緊，網友都對呢單消息好關注，仲展開熱烈討論添。身在倫敦嘅郎朗知道件事後，好快就透過媒體訪問澄清，強調佢哋只係普通朋友喎。
全心投入鋼琴事業嘅郎朗曾經喺一個公開場合講過自己嘅擇偶條件，仲話自己將會喺四十歲左右結婚。依家三十出頭嘅佢，即使有女朋友都好正常啫！