沙田馬場尋日舉行馬匹拍賣會，唔少名人馬主都有去競投，仁愛堂副主席歐雪明踴躍競投，最後以三百七十萬元，投得新西蘭駿驥「Keeper」，佢同囡囡Natasha諗定馬名，打算命名為「Dragon Keeper」。
歐雪明現有兩匹團體馬「中國好」同「速度快」，加埋新買入名駒，佢另外仲抽到兩個名額，即係將會有五匹馬在手。尋日仲有一啲馬圈好友出手，譬如香港馬王「好爸爸」馬主袁仕傑，以五百萬元投得一匹美國駿驥。
歐雪明投得心水駿驥，同囡囡Natasha分享喜悅。
