政壇:孫大倫龍年添女孫
富士攝影器材主席孫大倫家族最近添咗位小龍女!孫大倫嘅大新抱鍾婉琪(Jacqueline)、即康文署副署長鍾嶺海嘅寶貝女,上月再為孫家添咗一名小龍女,重六磅幾,精靈可愛。坐緊月嘅Jacqueline忙住湊兩個囡囡,但愈忙愈開心,仲話會再接再厲,生夠四個添!
爺爺孫大倫本來諗住趁BB出世前,同太太Betty去日本滑雪度假,不過未出發就見證咗小龍女誕生。
Jacqueline今次懷孕只係重咗十幾磅,生完後身形好快回復苗條,早前已經扮得靚靚出席新世界發展主席鄭家純囡囡鄭志雯同龐建貽嘅豪門婚禮。
孫大倫大仔孫道弘(中)同鍾婉琪(左)三年抱兩,一家四口幸福滿瀉。(受訪者提供)