電台烽煙講特首候選人辯論
反唐英年
余先生:如果唐英年做特首,有咩困境……向全世界爆晒啲機密,好危險!你係好不負責任!
歐小姐:香港有幾多防暴警察可以阻五十萬人上街?(唐的指控)合理性存疑……唐生你不嬲講開大話,對住七百萬人講多次有咩奇怪?
蘇先生:牽涉好多秘密嘅嘢唔應該爆出嚟……就算商界都唔可以容忍……梁振英有冇做過也好,機密唔能夠講,第時(唐)隨時可以用(機密)賣國求榮都得!
反梁振英
梁先生:反對梁振英做特首,佢唔肯承認呢樣嘢(廿三條言論),我好驚佢呀,真係好驚佢呀。
楊先生:(梁的政治秘密)係遺害我哋香港子女嘅性命財產……破壞我哋嘅民主廣播,梁振英只顧住自己……心口掛住個貪字。
李先生:梁振英令人驚嘅,係佢係一個好好嘅執行人,如果中央要做一樣嘢,佢點都會做到。
唐梁皆反
李先生:辯論畀我哋更加認識兩位候選人,我係有一票,我決定投白票。
陳先生:辯論令人好失望……有種好丟架嘅感覺……好似細路仔……如果一心為香港好,應該把握時間去質疑政綱……市民唔係想睇鬧劇,睇下邊個最衰。
唐英年一句「你呃人」,成為網民惡搞改圖常用「金句」。
有網民則以唐的金句製作神獸卡,揶揄唐的表現如「八婆」,完全無大將之風。