SUN熱辣：兩廈業主枉孭賠償責任

屋宇署發出清拆令已一年，違建房屋依然存在，若期間發生意外導致人命傷亡，責任誰屬？法律界人士指出，由於違建房屋坐落在兩座鄰近大廈所擁有的私人路段上，兩大廈的業主立案法團必須負上責任，受害人更可考慮控告政府部門疏忽引致意外。

「如果發生意外，屋主固然要負責任，但係兩大廈嘅業主立案法團，作為該路段擁有人，同樣責無旁貸。」律師黃國桐更指出，相關政府部門如屋宇署亦可能需為意外負責：「佢有責任檢查全港樓宇有冇危險，就算佢唔係地主，發現係危樓，都應該即刻封咗佢，所以發生意外嘅話，絕對要負責。」

執業大律師陸偉雄亦說，倘意外引致人命傷亡，賠償金額更可能高逾千萬元，他說：「賠償金額要視乎情況。但保險公司唔會受理僭建單位投保，最壞情況係屋主無錢賠要破產，受害人又拎唔到應得賠償，形成雙輸局面。」