政壇：政商定格：梁港蘭拓老撾旅遊新線
旅行社高層動作多多，早排離開永安旅遊小休兩年嘅梁港蘭（Lanny）上個月重返娘家做CEO，一返嚟就有新思維，開拓未有人做嘅老撾六天探秘團，又趁塞爾維亞等兩、三個地方取消簽證措施，就大推巴爾幹半島及東歐長線新角度。
Lanny話小休期間去過國內同東南亞交流，全部都離唔開旅遊，佢畢業後第一份工就喺永安做，今次返嚟有回家嘅感覺。另外，永安內部據傳有好消息，該公司全體六百名員工上月已經平均加薪百分之五，再加花紅一個月，做員工嘅真係拍爛手掌！
梁港蘭離開永安後休息咗兩年，復出又返娘家做CEO。