政壇：政商定格：鄺英志鍾情81西班牙紅
西班牙裏奧哈區（Rioja）六十個酒莊日前聯袂喺尖沙咀The Mira酒店舉行品酒會，吸引一眾城中劉伶現身試酒，星級品酒師鄺英志（Peter）同老友們滿場試酒，十分盡興，同場又見到香港葡萄酒商會會長何耀康（Henry）及副會長蕭俊文，Henry話最近忙緊喺內地城市推廣香港葡萄酒企業。
Peter對Osborne酒莊出產嘅Montecillo一九八一年份特選紅酒最讚不絕口，佢話呢款有三十一年嘅靚酒已經買少見少，入口充滿果香，口感成熟，色澤又靚，冇得彈，聽到已取得代理權嘅入口商透露售價每支四百元以下，Peter即碌大對眼，猛讚好抵飲。
鄺英志（左二）與何耀康（右二）、蕭俊文（左一）齊品西班牙靚酒，右一為廣東省酒類行業協會代表鍾燕妮。（余素月攝）
Montecillo一九八一年紅酒，入口充滿果香，口感成熟。