SUN世代：好拍檔齊闖難關
有人搞生意最怕合資，但謝海發就認為一個好拍檔是成功的重要因素：「有個好拍檔真係好重要，我唔係富家子，資金有限，又無經驗，要請有能力嘅人幫手，根本無可能，唯一可以依靠嘅只有我個拍檔。」他與拍檔是大學同學，相識近十年，經常一同吃喝玩樂及互相解決疑難。
他坦言合作搞生意，一定有意見不合的時候，但他不覺得這是壞事：「有爭拗係好事，有時我諗嘅嘢未必啱晒，如果佢有意見，我哋會傾，可以引導我多方面思考。」他表示開業半年，曾有美國人拿着幾百萬美金要求入股，但被他婉拒：「當時班美國人特登飛嚟香港同我哋傾入股，但我唔了解佢哋，怕理念唔同，合作上有困難，就拒絕咗，況且畀人入股，咁就變咗唔係我自己嘅嘢！」他慶幸得到好拍檔認同，兩人一同經歷重重難關，走到今日的成就。