SUN微博：高官秘密生活

喺香港，做得特衰政府嘅高官，收禮真係收到手軟。《Sun微博》拚死犯險，拍得一眾高官嘅私生活照，等大家睇下啲禮物係幾咁貼心，啱用。想送禮擦波士鞋？學嘢啦。

打橫o黎講：醜聞第一滴血

烏煙瘴氣、群妖亂舞的昏暗日子裏，雖然明知動盪是禍，但眼球仍是忙得未能穩定下來，每日(目及)實呢劑最後一鋪小圈子選特首的鬧劇。

傳媒記者忙於收風挖料查證報道，出街後還要跟進追訪再報道；讀者觀眾樂於收看收聽，尤其juicy的八卦小道消息，愈假愈髒愈臭的，就愈吃香愈受歡迎，茶餘飯後，作為剝花生噴口水花的佐食，多寫意！甚麼比政綱、講理念、鬥能力？怎及掘深咗、私生子、江湖飯局來得精彩同吸引呀！

事實上，今鋪特首混戰，自戰鼓響起，利箭橫飛，劇情推展之快，醜聞黑幕之多，手段狠辣之密，真唔講得笑，令人眼花繚亂，目不暇給……

我做過多次實驗，問過不少人，大家都答不上嘴，嗱！老友，你記唔記得特首選戰嘅第一單「醜聞」，主角是誰？即邊個係第一個中招先嘅呢？

咁！跟住，第二單又係邊個做主角呢？衰乜呢？嘩！多到記唔起矣！我只知曾蔭權有份被揭發係「第一大貪官」，至今仍逍遙法外，未被起訴，天無眼也！

再問大家，有無人知道三位特首候選人的「政綱」講過乜呢？擔保一句也答不出來，呢個就係顯示香港特首選舉之烏煙瘴氣，群妖亂舞之最佳鐵證，City is dying，you see！

林瑞麟

皮光肉滑嘅林公公，雪白肌膚真係我見猶憐。原來佢勤做facial力保俊貌，唔怪得堂堂半個男人收埋晒啲護膚產品啦。

曾俊華

阿曾美華司長……唔係，曾俊華先真。唔好睇佢白髮蒼蒼，其實係運動健將。打波嗰時成個費達拿咁款，抵死在送禮者又夠細心，送網球拍連埋個網球，擺明係想訓練佢，參加亞運幫香港出力啫。

黃仁龍

龍哥仔就醒嘞！小弟之前都奇怪，一張半張紙鈔點打動佢心。睇真啲，嘩！中銀紀念鈔嚟！得嗰一百蚊面值，無犯法啩？轉個頭去炒，你吹咩？不愧係律政司司長！

鄭汝樺

送會籍就唔係咩新鮮嘢，不過呢個會就唔同講法啦！成為至尊黃寶石會員，包你免費食一世薯條，仲幫你搞埋生日會－麥麥會是也！

孫明揚

成日話孫公身體差，開會又瞓覺。識咩呀你哋！人哋孫公前日小林尊上身，食完成隻火雞，依家飽飽滯滯抖下都唔得咩？不過咁，火雞咁大隻，對心臟唔係咁好，少食為妙呀孫公！

譚志源

雖然源兄上任不久，公務繁忙，但都識得適時享樂。收埋８張Lady GaGa飛，一於將公事相忘於紅館。其實８張你都睇唔晒，不如請埋我？

歡迎add我facebook一齊鬧爆夕陽政府

彭志銘：次文化考古學家，對城中潮語有深入研究，博徵博引，廢官廢人行埋一邊。

就係敢爆：香港出不了林書豪？

讀者可透過智能手機下載「東方互動」app，於「爆料」項上載影片，星期四《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot