豐盛金融資產管理部董事黃國英今個月初自掏腰包，喺灣仔伊館開咗場投資Talk騷，佢嘅造型同現場風格都似足黃子華嘅棟篤笑，吸引二千位股民買飛入場支持。佢分享投資心得之餘，不忘以輕鬆表達方式娛樂大家，場騷最終雖要蝕十幾萬，但就成為投資界嘅熱話。
反應理想下，黃國英有意加場，近日已經入紙向伊館book場，打算最快喺明年三月或五月間再踏伊館舞台。佢話會向同宗黃子華學習，將獨創嘅Talk騷搞到變成自己嘅生招牌。希望佢明年場騷能夠吸引更多贊助，最少封到蝕本門啦！
黃國英喺Talk騷大講喺股海二十年嘅心得，造型係咪熟口熟面？
