「高薪唔使做」信一成都死

【本報訊】網上搵工陷阱處處，且暗藏殺機。有社工忠告青少年，求職時切勿抱着「高薪，唔使點做」的心態，貪圖高薪工時短的優差，加上欠缺危機意識，容易墮入求職陷阱，輕則損失金錢，嚴重會受到性侵犯，甚至賠上性命。

慎防搵快錢廣告

香港青年協會督導主任（就業）鄧良順表示，網上討論區等一些只有簡單寥寥數語的招聘廣告，聲稱「高薪，日日出糧，工時短」等優差，往往是求職陷阱，青少年貪圖「唔使點做，有糧出」的搵快錢心態急於見工，在應約過程中疏於防範，便會隨時中伏。

鄧良順指出，每逢臨近放長假時，青少年便急於找工作，希望快人一步找到一份好工，容易墮入求職陷阱，輕則損失金錢，嚴重更可能遇上性暴力，甚至被殺害。

目前新高中學制的香港中學文憑考試臨近，試後將有一批青少年尋找工作，相信求職陷阱會更多，鄧良順呼籲青少年找工作切忌心急，要提高警覺，對於一些過於簡單的網上招聘廣告，應考慮清楚是否應徵，又或應否獨自見工。其實，青少年應抱着「有冇咁筍嘅工」的心態，如果有工作是「唔使點做，而有高收入」實在是不切實際的想法。