City Parade：豪與美
置業安居，係唔少80後、90後嘅夢想。「富二代」都睇中呢個市場，富豪趙世曾公子趙式浩近日創辦專門推介豪華樓盤嘅雜誌，早前搞創刊酒會，城中名人二代齊撐場。伴隨一本新書面世，有新產品登場。瑞士殿堂級護膚品VALMONT推出新保濕系列，邀請愛美之人見證「重生」傳奇。
錫住靚樣
公關公司老闆周美鳳講究護膚，幾忙都會敷Mask。
喜迎龍B
已故社交名人周啟邦嘅新抱黃泳霖快將誕龍B，心情興奮。
禪修養顏
名媛吳婉芳堅持每天靜坐禪修，心情樂觀，人都靚啲。
最疼姪仔
趙式芝對細佬式浩初出世嘅兒子愛錫有加，更封大利是畀姪仔。（徐家浩攝）
品味一族
趙式浩（左）與莊士集團太子莊家彬（右），都係講究生活品味之人。
名草求花
浸大校董會主席王英偉兒子王梓軒自爆被父母催婚，更暗中安排佢相睇。
惺惺相惜
廖創興家族後人廖偉麟（右）與亞視執董盛品儒（左）老友鬼鬼。
創意無限
時尚名人李桂蘭近排愛上室內設計，更請纓為好友豪宅構思裝修，樂在其中。