SUN微博：生還者點睇

曾霸權（江湖界）

其實我一向鍾意行大老山，貪同啲大佬一齊行安心啲。但你咪以為我腳短就走唔甩。有咩風頭火勢，我即刻匿係G4後面，好似紅van起機咁，以私人飛機嘅速度飛奔沙田。我之所以一路向北，係因為英國人封咗沙田畀我睇，故舊地重遊睇吓有咩着數可舔。但出咗獅隧之後竟然一架車都無，通街無人，好似死城咁，到底那夜凌晨，我係唔係因為太樣衰被港人放逐咗？

郭唐英年（情場浪子）

常言道，男人用下半身思考，因此喺呢個火燒後欄嘅當下，我終於識得諗嘢、識得返屋企。大家諗吓，隧道阻塞其實係好事，因為阻塞即係入口窄咗，而我鍾意比較窄嘅入口，就好似我間雜物房嘅入口一樣，唔太張揚。我決定唔再理「上水仔」再提起喺日本的那些年，因為我終於明白，私（獅）子山下、九龍塘約道七號地底，同瓦魯阿圖一樣，先係我想住嘅地方。

email：sunweibo@opg.com.hk

「就係咁爆」網址：tv.on.cc/hot