政壇：政商定格：唐媽避記者朱培慶上身
特首選舉候選人唐英年前日報警聲稱被恐嚇，事件娛樂性豐富，唐媽媽唐尤淑圻尋日現身沙田馬場時反應相當奇怪，大家一見佢本想問佢擔唔擔心愛兒嘅安全，點知唐媽媽學咗前廣播處長朱培慶匿喺艷女CoCo後面嘅絕招，一聽問題就匿喺同行友人、遠東集團創辦人邱德根太太邱裘錦蘭身後，仲連聲話：「對唔住，對唔住，今日唔好影啦！」
似乎唐媽媽對鏡頭嘅恐懼，仲大過記者嘅問題噃。講番尋日馬場，唐媽媽匹愛駒「雙辣」尋日出賽，佢全程唔講嘢，全神貫注為愛駒打氣，但最後愛駒跑唔出，咦，咁算唔算「雙辣」食唔出呢？
唐尤淑圻（右）同邱裘錦蘭本來有傾有講。
唐媽媽一見閃光燈即縮到邱太身後。