北京「兩會」正值三月，天氣又乾又凍，寒風一吹，十個南方人估計九個都會嗌攞命。港區人大代表同全國政協委員呢輪赴會場都各出奇謀抵禦寒風，港區政協委員、本身係女企業家嘅政協胡葆琳更加靈機一觸，用圍巾包裹自己個頭，化身「蒙面人」。
全國政協委員前日下午喺北京再次舉行全體會議，全體政協要開會，又要同寒冷搏過，據聞另一政協嘅鄭明明見到北風來勢洶洶亦不敢怠慢，日前已去添置羽絨禦寒。
胡葆琳用圍巾將個頭包裹以抵禦寒風。（中新社圖片）
