政壇：郭樹清醒股民入市三貼士
股市近排忽高忽低，小股民都暈晒浪，唔知何去何從。上任中國證監會主席四個多月嘅郭樹清最近就勇於談股市，破舊立新嘅處事風格令人刮目相看，繼公開高喊「滬深藍籌股靜態市盈率不足十三倍，顯示出罕見投資價值」，日前佢又明醒股民三大貼士，中港投資者都啱聽o架。
郭主席話，股民投資目標應鎖定績優嘅大盤股，即係藍籌股囉；其次係唔好將雞蛋放在一個籃子裏；第三就係市盈率倒數就係投資回報率，言下之意係40倍或50倍市盈率嘅股票要好小心，除非有好似微軟蘋果一樣嘅發展前景，否則絕大多數都會成為「有毒的金融資產」。
