SUN微博：切勿獨留唐唐不顧

疏忽照顧兒童 要負情事責任

每天爆佢多一些

（為剛愎自用的參選人打打氣）

填詞：浩賢（CASH）

原曲：每天愛你多一些

名是第一，權是第一，在競選路，熟人特多，

親疏有別，民望跌破，嗌政府幫佢囉！

頭條特多，無人話妥，續爆醜事，愈嚟愈甘，

天生怯懦，常常犯錯，佢個名好鬼　！

＃周街都知失晒誠信，仲要力撐不顧一切，

不願離開，死磨留低，顏面棄於倉底。＃

＊唔怕每一天、每一天見記者，

又再爆多些、爆多些有嘢寫，

佢架勢佢最慣兩句豬噏，嚇窒記者真玩謝。＊

△唔怕每一天、每一天見記者，

又再爆多些、爆多些有嘢寫，

佢也要厚着臉報名參選（喔喔），

要做特首，超級扮嘢！△

情慾第一，權力第一，逐上位夢，直頭係急，

飛身進閘，無用勸退，有缺失不知錯。

重唱＃、＊、△

唔怕每一天、每一天有猛料寫，

就算爆多些，輿論炮轟多些，

佢也要厚着臉報名參選（喔喔），

要做特首，梗識扮嘢！

打橫嚟講：勝在有ICAC？

全港七百萬人舉腳贊成緝拿第一大貪官曾蔭權，立法會原本有意引用特權法去調查，但一眾建制派以廉政公署已「立案」偵查為由，否決相關動議，足令曾蔭權喘定氣來；不旋踵，廉政專員湯顯明撲出來澄清？指廉署從未「立案」調查特首，咁！即係點呀？又話老廉做嘢，密密實實嘅！邊個放風造謠，話廉記開咗快勞o架，搞到特權法流產，讓曾蔭權過了骨。喂！有無得再重新啟動提案，捉佢上立法會解畫的呢？

廉署應先要解釋及追究，有無內宄潛伏攪亂檔。其次，老廉有沒有「立案」行動，是毋須高調宣布的，湯顯明在此關鍵時刻出來爆料，不知意圖何在？如有agenda的話，則已違反辦案規條；若沒有，而無端端洩露廉署機密，即連辨別案件輕重和保密的能力，也出咗問題喎！是嗎？

還有，現坊間大眾都有一個疑問，乃廉署仍未清楚解釋（或解決）的，就係若然「立案」調查特首啦！調查員的最終領導是誰？向邊個最高決策人作最後匯報？行動過程由誰監督？調查結果（不管結論如何）會否公開？或秘密銷毀？本來，調查員之上，還有清廉的專員坐鎮，可惜，此CASE中的湯顯明，與案中涉及的「疑人」有波友情誼，湯專員除了要避嫌之外，分分鐘可能要畀埋口供都未定，咁點算好？有點兒複雜。一句到尾，肅貪倡廉，是世界美好的核心價值，拚死也得捍衞下去！係咪？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

香港出不了林書豪？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！