政壇:政商定格:林偉強愛女緋聞成過去

成立一百零一歲嘅中山僑商會尋晚舉行周年晚宴,就連唔係中山人嘅新界鄉議局副主席林偉強都出席。早前林偉強愛女捲入特首候選人唐唐嘅婚外情緋聞,作為爸爸嘅佢不斷幫囡囡解圍,佢尋日就話依家已經冇嘢喇,讓過去嘅就此過去喎。

當晚出席嘅鄉親仲有金至尊數碼行政總裁Johnny吳傑莊,佢年前創立咗中山青年協會,帶埋一班兄弟姊妹去湊熱鬧。佢話希望積極凝聚中山年輕一代,為家鄉作貢獻。轉頭又見到係中山古鎮人嘅恒興業集團董事Alice趙曾學韞,佢喺家鄉暫時未有生意投資,但現職栢基國際幼稚園校監嘅佢,打算明年九月喺中山開一間國際幼稚園,將香港二十多年嘅管理幼稚園模式擴展到當地。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

身為中山人嘅吳傑莊(右)同趙曾學韞一齊撐場。

林偉強話囡囡一家已經無事,讓過去嘅就此過去喎。