政壇：搞搞政：張永霖返娘家明德學院
港大轄下自資嘅明德學院尋日舉行成立典禮，舊年底宣布會陸續辭去五項大學公職嘅Linus張永霖，尋日以明德校董會主席身份出席。記得佢話過完成埋任內啲手尾就會交棒，點解「唔嫁又嫁」？佢話冇講過唔做明德校董會主席，仲話舊年五月港大校委會主席梁智鴻力勸佢幫手出任呢個位，佢諗咗幾個星期後就應承咗，話明德始終係佢搞出嚟，而且算係新職務喎。
盛傳同Linus不和嘅港大校長徐立之都有出席典禮，兩人全程似乎冇乜交流，但Linus就堅稱佢哋冇不和，仲話徐立之好贊成成立明德，將自資學位獨立運作。
