網民同情唐太籲代夫選特首

【本報訊】特首候選人唐英年出名「口窒窒」經常失言，加入政府九年，卻鮮有像唐太今次般，到電台接受逾一個小時的直播訪問。反觀「代夫出征」的唐太昨日全程表現淡定，即使面對市民「烽煙」亦對答如流。聽眾鄭小姐就致電電台盛讚唐太「好過唐生好多，聽你講嘢好舒服、好enjoy（享受），聽唐生好辛苦，逐個字唧出嚟咁。」有網民更呼籲唐太取代丈夫參選特首。

多名聽眾不滿唐英年拒絕明確交代私生子傳聞，令港人對他的信心跌進谷底，但他們大多同情唐太，其中柯太表示︰「唐英年有婚外情，好戥你唔抵，不過好欣賞你原諒人嘅心。」

外界有指唐太樣貌與電台節目主持阮小儀相似，阮小儀昨於節目結束前特別走進錄音室與唐太見面及合照。唐太大方地說︰「我都想見佢，我好鍾意佢嘅笑容。做人最緊要樂觀，每日is a new begining（都是個新開始）。」

「佢當你阿四咋」

唐英年的選舉facebook及多個網上討論區，昨日都有大批網民留言鬧爆唐，有網民怒斥「你要折磨你屋企人同香港人到幾時？」，「當住七百萬人面前要原諒你感情缺失，知道要坐監都要冒認僭建地窖」。網民又不滿唐只懂保護情婦及私生子女，未有顧及妻子感受：「保護第三者同私生子免受騷擾，但容許傳媒幾百部相機錄影機影你老婆出嚟喊，你根本唔係男人，累人累物，老婆仔女畀你累死﹗」

有網民支持唐太出選特首，讚唐太應對大方。多名網民更建議唐太與丈夫一刀兩斷：「唔係話佢識返屋企就係好男人，佢當你阿四咋，得閒返來有湯飲有飯食，有人洗衫，唐太，醒醒啦！！愛你的人唔會傷害你？！」不過，亦有網民質疑唐太「為做特首夫人，咩大話都照講」及思想「停留在封建時代」等。