唐誕私生子搵老婆孭鑊

今日是三．八婦女節，特首候選人唐英年選擇在這個向所有婦女致敬的節日前，第三度擺老婆上枱為自己遮醜。曾講過「做男人要有膊頭」的唐英年，日前默認有私生子後一直拒絕交代詳情，反而於昨早派遣其太太、即私生子醜聞的最大受害者唐郭妤淺上電台為自己「擋箭」。唐太再度為丈夫的婚外情「攬上身」，歸咎自己疏忽及沒時間照顧丈夫，力撐唐是「九十分老公」。立法會議員葉劉淑儀批評唐在婦女節前夕「搵老婆孭鑊」，「係我就好難容忍喇」，而男女關係專家的白韻琴質疑唐太想做「香港第一夫人」，才拒與唐離婚。

唐英年為求當選，先後就其「感情缺失」及僭建醜聞「擺老婆上枱」、被嘲「冇膊頭、冇腰骨」。《太陽報》及《東方日報》昨日刊登疑似唐英年私生女的照片後，唐立即重施故技，昨早派出其競選公關陪同唐太到電台接受專訪及聽眾質詢，力撐丈夫。

歸咎自己疏忽照顧

唐太在訪問中沒有回應照片中的少女是否唐的私生女，僅說︰「佢（唐英年）尋日有交代呢件事，唔會再講，會影響到細路哥。」至於丈夫現有否聯絡私生子女，她說「呢個我唔知」，又指自己對此「冇咩感覺」，認為丈夫對以前行為終生後悔，已是很大懲罰。

主持人不斷追問唐英年何時開始出現感情缺失、婚外情次數等尖銳問題，唐太均無確實回應，僅稱「最偉大嘅愛就係原諒，原諒咗佢就放低向前望，盡量唔好睇番有幾多次」，強調「浪子回頭好緊要」。她承認婚姻出現問題時確有不開心，但並非發脾氣，而是在想「我係咪疏忽咗佢呢？係咪冇時間陪佢呢？我自己有冇唔好嘅地方呢？」再次把責任全部歸咎自己。

唐太最後再力撐唐英年是「九十九分嘅爸爸、九十分嘅老公，今時今日由頭嚟過，我都會嫁畀唐英年」，「我係好甘心今世做唐太」，從沒有想過與丈夫離婚。問她堅拒離婚是否想做特首夫人，她稱︰「我唔會因為一個title（銜頭）做特別嘅嘢。我好愛香港市民，希望市民珍惜唐英年。」

葉劉淑儀讚揚唐太「好英勇」，批評唐英年再三「搵老婆孭鑊」，令人感到他欠缺承擔：「男人應該保護女人，走喺女人前面擋箭，佢依家就掉番轉，佢太太好忍得，係我就好難容忍佢喇！」

「好想做特首夫人」

白韻琴則分析，「牛唔飲水唔撳得牛頭低」，質疑唐太「可能好想做得成特首夫人，佢離婚都分到一半身家啦。」她批評唐涉僭建、婚外情及私生子等醜聞，如成為特首，市民一定反感：「以歐美同香港人嘅水準，都唔可以做特首啦，處理自己啲嘢都唔好，點處理全港嘅嘢？」藝人「肥媽」瑪利亞指，唐太隻身接受專訪，予人硬朗堅強的感覺，可能會有不少女性同情，但不代表可改善唐的形象：「可能會仲憎唐生多啲添！一個女人接受訪問，其實好辛苦好慘o架。」