SUN微博：煲呔vs偉業

凡是敌人赞成我反对，敌人反对我就要赞成。

打橫嚟講：我貪故我在

香港第一大貪官曾蔭權喜不自勝、眉飛色舞地出席全國人大會議，跟兩日前，在立法會答問時那披喪冚家慘樣之貌，判若兩人。原因，佢話「所有一切，我已向香港人交代，所講的話，領導人已全部掌握清楚……這幾日，亦收到很多人對我的鼓勵。」哦！得到阿爺諒解，還有人支持，怪不得興高采烈、自我感覺良好啦！

有好多人鼓勵？邊個咁狗呀？請開名！

至於領導人真的掌握全部事實？點解曾蔭權只向阿爺表白，卻不在立法會向全港市民講真話？領導人，佢無向我們交代清楚喎！

其次，領導人，你們真的了解真相嗎？

以縮骨兼貪小便宜聞名的曾蔭權，願每年花一百萬租地方擺老婆雜物？十年咪一千萬？為何不買個倉作長久之用？不合邏輯吧！仲有，擺放無用嘅無謂雜物，何須要用全深圳最超巴閉的豪宅做倉呀？好有疑點啫！

曾蔭權曾經提過，退休後會返英國「祖家」養老，因佢一直看不起貪腐落後的地區，何解被傳媒追逼下，才搶先自爆在深圳有樓，後來，還說是「租」的。我好多嘢想知：若無人踢爆佢以權謀私、貪得無厭的話，佢會否自爆咁貴「租」豪宅呢？唔使錢，佢會唔會要呢？曾蔭權有無畀阿爺睇租約正本？幾時立契？有乜優惠條款？有無私相協議？有無老點阿爺……？

領導人全部掌握清楚？講笑啫！

就係咁爆：活取熊膽，係咪夾硬？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係咁爆」網址：tv.on.cc/hot