政壇：政商定格：葉家麟拓私人飛機市場
私人飛機最近成為熱門話題，隨着內地崛起富商激增，加上香港進口私人飛機嘅免稅安排，採購私人飛機，成為熱爆商機。身為富二代嘅Albert葉家麟近日亦加入行列，更獲城中武打巨星「託管」其巴西航空Legacy 650豪華飛機。
出身於英國名牌大學法律系，Albert嘅爸爸係藍帶啤酒亞洲區總代理葉振南，原本衣食無憂，但佢寧願加入私人飛機公司SinoJet，由低做起，日日向有錢人推銷：「佢哋畀得起錢買飛機，唔太介意價錢，多一個億，少一個億，唔係問題，安全第一至係最重要。」說穿了，就係猜透富豪嘅腦袋，知道佢哋諗緊乜。例如，買飛機係為咗度假還是商務、飛長途還是短途？
Albert試坐富豪熱捧嘅Gulfstream G550，感覺興奮。（被訪者提供）
客人可柯打五星酒店佳餚，送上飛機慢慢歎。
私人飛機安裝雙人大床，空間仍綽綽有餘。