政壇：政商定格：女董事比例銀行包三甲
三八婦女節又到！有調查歌頌女性，話女性佔董事會人數比例高嘅公司，資本同埋股本回報率會勁啲。
調查係渣打銀行及社商匯賢合作做嘅，結果顯示，喺四十八間藍籌企業嘅董事會當中，女性董事佔比只有百分之九，其中銀行界包辦晒三甲，有最多嘅女性董事，分別係恒生銀行、中行同滙控。
話晒有香港首位銀行女大班梁高美懿坐鎮喎，排名第一梗係恒生喇，十六位董事有五位係女性，佔比達百分之三十一點三，其餘嘅女董事係薛關燕萍、蔣麗苑、馮婉眉、李瑞霞。洪丕正話渣打香港的十位董事中有三位為女性，剛好達到該調查機構社商匯賢的基本目標。
