政壇：珠寶老行尊撐結業火鍋店
話說喺尖沙咀嘅千福中日火鍋料理因業主瘋狂加租一倍被迫光榮結業，但人間有情，早前有日晚膳時間，一班金銀珠寶業老行尊包場幫襯，久未露面嘅「珠寶大王」謝瑞麟亦現身同樂，佢打扮輕鬆，面色紅潤，話自己已重返公司工作，但十分低調，不欲多談。
寶星首飾廠老闆吳宏斌話，火鍋店臨結業前做幾單大生意，對員工嘅遣散福利安排有幫助。當晚大家盡歎千福嘅拿手料理，包括師傅即場手切嘅極品肥牛、皮薄料靚嘅水餃同手打烏冬等，加上客人自己調製嘅醬料，滋味無窮。
吳宏斌（右一）同老友喺火鍋店結業前齊幫襯。左起：番禺區珠寶廠商會會長李文俊、金銀首飾工商總會會長蘇滔及「糖薑大王」余達之孫女余皓媛。