政壇：肥平肉麻吹捧全球學雷鋒
雷鋒精神近期喺大陸有「翻生」迹象，點樣向雷鋒學習、點樣推廣，都成為大陸坊間熱話。話說喺北京開會嘅全國政協何志平，接受大陸記者訪問時，即刻喺大陸記者面前猛吹捧雷鋒。佢話任何一個中國人都係雷鋒，做醫生救人可以係雷鋒、汶川地震後去災區嘅熱心人都可以係雷鋒，總之雷鋒係完美嘅無產階級戰士啦。
肥平仲話中國唔同時期都有雷鋒精神代表，好似漢代有張騫、明代有鄭和，近代就係雷鋒，所以應該將「雷鋒精神」全球化，仲話雷鋒個人已超越「肉身嘅個體」，成為眾人集體符號，應推廣至全球每一個角落。擦鞋擦到咁冇分寸，唔知肥平講呢番說話時有冇面紅呢？