電視訪問自爆大鑊
記：擔唔擔心如果你上任，港人會喺七月一號上街遊行？
唐：無論邊個當選都會有遊行，即使何俊仁當選都會有遊行。
記：有人形容選舉選戰係「共產黨」對「地產黨」？
唐：我其實同幾位地產發展商唔係咁熟，反而梁振英同地產有千絲萬縷嘅關係。
記：私生子呢方面點樣回應？
唐：我唔會回應所有傳聞，唔想評論牽涉到第三者嘅傳聞，因為咁會影響佢哋嘅生活，唔想畀人哋傷害佢哋。（記者追問：即係有私生子？）我無講過。
記：點睇啲網上改圖？
唐：我啲女有時會好嬲，會喺facebook同微博駁番話佢嘅人……佢好得意，鍾意打英文，打英文就無人敢駁番佢。
記：有冇搭過私人飛機？
唐：我從來無受人款待搭飛機，請人搭飛機有試過。（記者追問：有（著名性感女影星）舒淇？）我唔評論呢啲謠言。