日前喺中環見到鋼琴大師劉詩昆同愛徒孫穎行入一間錶行，孫穎入內即被一隻鑲滿巨鑽嘅錶吸引，仲毫不猶豫試戴上手，鑽光四射，孫穎請教老師意見後，認為買得過，一於扑槌。隻錶價三百萬元，全球只有兩隻，香港更只有一隻。隻錶做工精巧，合共鑲上三十卡巨鑽，粒粒潔淨無瑕，戴上佢，直頭放咗盞閃光燈喺身邊一樣。
新錶出爐，第一站係去美國。孫穎將出席美國一位殿堂級大師舉行嘅盛大晚宴，戴完呢次，佢會將錶放喺劉老師同佢一齊籌劃嘅私人藝術館內，供好友欣賞。
劉詩昆陪孫穎行入錶舖，孫穎（右）試戴鑽錶後，愛不釋手。（徐家浩攝）
鑲滿三十卡鑽石嘅名錶，全球只有兩隻。
