政商定格：何倍倩美國開店遇巨星
恒生新抱Anina何倍倩嘅自家護膚品牌Zensation正式喺美國比華利山開店，成功打入美國市場，早前她獨自赴美為新店打點，由於正值奧斯卡，竟然喺比華利山遇上米雪菲花呢！
佢話：「比華利山真係有好多唔同國籍嘅遊客，有次我喺舖頭入面，有個日本男仔入嚟買嘢，仲話要同我影相做朋友，我話顧客就梗係我嘅朋友啦！」老公呷醋？佢話：「我有打電話話佢知，佢淨係叫我唔好理人，不過做零售就係咁，會見到來自世界各地嘅人。」但佢否認係艷遇，笑言未婚時出埠，食飯時經常會有陌生人幫佢埋單，反而令佢覺得唔好意思。佢抵達當地後，疑因天氣乾燥失聲，佢話唔敢打電話返屋企，因為怕囝囝聽到佢嘅沙啞聲音會發噩夢喎。
何倍倩親赴比華利山為開店打點。