搞搞政：吳文華畀下屬篤背脊
立會職員諮詢委員會早前通過，將秘書處職員嘅退休年齡延長至六十二歲，但有自稱「一班秘書處職員」不滿安排，去信畀全體議員，投訴會議當日未有充分諮詢全體職員意見，講講吓仲質疑秘書長Pauline吳文華以培訓接班人為由延遲退休，令自己成為最大得益者。
查實延長退休年齡又點會益到Pauline呢？佢已經講好咗今年九月約滿，接任安排如火如荼，佢仲計劃好十一月去遊埠添。封投訴信中又提及，Pauline○八年接任秘書長以嚟，唔顧職員感受，要佢哋做多好多嘢。如果有職員認為，返工做嘢係上司唔顧職員感受，咁可能Pauline的確唔係佢哋理想嘅波士囉。
秘書處回應話現時秘書處職員嘅退休年齡延長兩年，大前提係要唔妨礙其他人嘅晉升機會，更重要係，延任安排根本唔適用於秘書長。
設計圖片