政壇：阿陶勸交被屈打女人
我哋收到讀者投訴，話社民連前主席陶君行上星期同一個女人喺灣仔辦公室打交，之後警察到場，阿陶唔認打人，女事主又無再追究，所以就不了了之。究竟係咪真有其事呢？阿陶接受我哋查詢時話，事發當日只有三人，就係佢、佢助理同一個會計師樓女職員，其他兩人的確因為公事而嘈起上嚟，佢就負責勸交，但唔知點解勸勸下就有差人上嚟，原來係隔籬屋覺得佢哋太大聲報咗警。
阿陶話由始至終都冇打過人，亦冇被人打過，所以都唔知點解會變咗「打女人」，真係莫名其妙。佢仲話自己已經唔係區議員，都唔明點解咁多人攻擊佢，唔通自己好有價值咩？