為慶祝潮州商會九十周年，商會尋日首次舉辦盃賽，由會長陳幼南、潮屬社團總會前主席莊學山同一眾「潮青」夾份嘅團體馬「綠豆爽」，不負眾望贏第二名，帶挈一眾「家己冷」袋袋平安。
莊學山帶埋古董望遠鏡，細味年輕時跟隨「鐘錶大王」父親莊靜庵入馬場。佢發現高頭大馬未必係好馬，馬匹頭形偏小，眼神忠心堅定，先係千里馬。今次相中「綠豆爽」，都算有緣分。潮商副會長胡劍江就採取「漁翁撒網」策略，落注全日賽事。咁搏，只為氹嬌妻Maggie一笑。佢話買中邊場，就將彩券送畀太太，等佢去領獎。
「綠豆爽」以第二名衝線，馬主陳幼南（右）同太太特別興奮。
