打到佢落台兼坐監

王先生漫畫從業員︰「我四十五歲先第一次出嚟遊行，因為對曾蔭權做嘅嘢忍無可忍，作為特首，邊啲做得邊啲唔做得都唔知，連普通市民都識啦！今次貪污事件破壞咗公務員嘅廉潔，佢應該即刻下台！」

葉小姐從事福利機構︰「曾蔭權一年有咁多俸祿仲要貪污，佢仲死唔認錯，喺立法會交代只係做戲扮喊，退租豪宅都係迫於無奈，唔抵可憐，佢施政亦從來唔為市民設想，所以今日要打到佢落台兼坐監！」

劉先生改圖「和曾」創作人︰「一般人諗起貪官，都係諗起和珅，咁個『珅』字同個『曾』字又差唔多音，我咪改『和曾』囉。等香港市民認清楚呢個大貪官，希望佢最後同和珅一樣，畀人革職抄家。」

歐先生八十二歲退休人士︰「曾蔭權搞到香港咁衰，又話會對老人家好啲，最後都係講大話，咩都無做，依家仲畀《東方》揭發係官商勾結，真係衰到無人有。只要我一日仲有氣，我都出來反佢。」