基督徒唱哀歌盼上帝審判貪曾
【本報訊】數十名基督教徒昨日用他們方式,宣洩對曾蔭權貪婪的不滿。一群教徒從聖經或禱文中抽出批判字句,創作成一系列哀歌及咒頌,讓因宗教教義無法打小人的教友,在遮打花園高唱「你以財閥為蔭,以權謀私,羞辱主名」,祈求上帝「打救」曾蔭權,最希望他罪有應得,鎯鐺入獄。
「曾蔭權,要下台!呢個教徒好見證!做錯事,使乜認,恃住有人撐你台,無人夠膽掟石頭!香港到底搞邊科,上主係咪瞓着咗?香港市民嘅哀歌,豈容長官一錯再錯!」詛咒之聲昨日在遮打花園此起彼落,帶領約三十名教友前來遊行的基督路小教會堂主任張大衛稱,社會太多不公義,曾蔭權不誠實的行為已觸怒不少教徒,因此昨日特意前來聲討他,雖然未能打小人,但仍可以聖經中字句發洩怒火。
張大衛亦不認同湯漢樞機所講曾蔭權真誠的言論:「湯漢話如果任何人無做錯事先可以批判,佢呢個言論係唔合理,因為佢係特首,代表着權力同彰顯公義,要求比一般人更高,偏偏佢做唔到,所以需要接受批判。」