SUN世代：寓旅遊於工作 「苦差」變樂事

「最開心係可以寓旅遊於工作！」在不少女士眼中，到內地工作是件苦事，但對熱愛旅遊的洪靜雲而言，卻樂在其中。每次完成工作後，洪靜雲總會把握機會四處遊玩。「好似去西安睇兵馬俑、去南京行博物館，最難忘係去西藏，嗰次出現高山症，要吸氧氣。不過，風景真係好靚，幾辛苦都係值得！」說起難忘經歷，洪靜雲沒有半點餘悸，總是笑瞇瞇。

行山鍛煉意志

眼前的洪靜雲，爽直硬朗，猶如一位陽光女孩，行山和踩單車都是她至愛的消閒活動。華山、九華山、峨眉山……內地不少著名的山，都找到她的足迹。她認為行山是鍛煉個人意志的最佳訓練，「記得有次喺馬來西亞行神山，半夜行到三千幾米，仲要得凍水沖涼，好辛苦，好想放棄。但上咗山就無得半途而廢，除咗自己，根本無人可以代你行。」活潑好動的她，平日亦愛踩單車。「試過由深圳踩去惠州，又試過用兩天時間踩上廣州，係好難得嘅體驗！」