SUN微博：曾蔭公爵落難記3之入住迷你倉

捉拿港版陳水扁 明天不能沒有你

花了近個半鐘，睇曾蔭權到立法會答辯直播，由始至終，結論只得一個：死不悔改。

曾蔭權愛弄權術，眾所周知，佢於立法會的申辯，其實想撲火多過講出真相，博小事化無，側側膊過骨，故厚顏卸責，言不及意，早已是劇本篤定之鋪排，不管議員怎麼彈劾追問，一律耳邊風，吹咩！

身為天主教徒的曾蔭權，公然搵風水先生設局上位，連上帝都不放在眼內，你班平庸凡夫政治娃娃，算得係乜？睬你生臭狐啦！

曾蔭權回應時，三番四次話自己按住良心行事，吓！「按照良心」？你良心在哪裏？「揞住良心」做事仲似啲喎！

一點悔咎也沒有，港版陳水扁活靈活現，最終，劇情推展，就係佢老婆、有份見過報，及曝過光的涉嫌貪腐行賄的人士，通通要出庭作供，頹樣全部排隊上鏡，審貪官、捉大鱷之長篇連續劇，比爭產案之荒謬卑鄙污穢更大百倍的醜態，揭露人前，公諸於世，正呀！多得曾爵士！

我們小市民無權無勢，冇份直接審案，唯一方法，就是要支持廉署，給予他們力量，明天（三號）下午三時，一定要到維園集合，參加「捉拿香港第一大貪官」的遊行，以保香港法治廉潔的核心價值。人數一定要多，否則，又畀林瑞麟睇唔起，當無事發生。為香港、為正義、明天不能沒有你。路上見！

煲呔貪無限

填詞：浩賢（CASH）

原曲：鐵塔凌雲

揭發奇聞，

望清晒煲呔顏面，

幼稚貪婪，

小小嘅便宜都擸。

盡情地hea伴富商遊埠，

收埋啲禮盡袋懷抱。

逢親出外，驚死人「裝」，

福田住豪宅勁風光。

收工將近，

何時何刻何期待，

毌須光榮，

貪財貪吃貪無限！

留低錦鯉淚千行，

搞喎香江竟無憾？

貪財貪吃貪無限，貪無限！

就係咁爆：活取熊膽，係咪夾硬？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

次文化考古學家，對城中潮語有深入研究，博徵博引，廢官廢人行埋一邊。