趙世曾兒子趙式浩剛榮升父親，卻無意畀女友一個名分，難得母親盈盈都大表支持。前晚由盈盈創辦嘅雜誌舉行創刊酒會，式浩同家姐式芝都嚟撐場。
趙式浩透露囝囝現時三個月大，叫Ian趙子勤，正籌備百日宴，但就唔會大搞嘞！問到未婚嘅佢幾時結婚？佢話：「擺酒實話你知。」再追問係咪註咗冊？佢就話：「暫時未有咁嘅諗法，都係ＢＢ最緊要。」被問及不婚主義係咪效法爸爸咁，有多啲選擇時，佢話每個人都有自己嘅方式，應該尊重。
趙式浩（左）搞生意，做家姐嘅趙式芝（右）當然要撐場啦。
莊士集團太子爺莊家彬單獨到場撐趙式浩。
