享譽全球嘅華裔大提琴家馬友友尋日聯同自創嘅「絲綢之路合奏團」成員，現身香港文化中心，為聽日開始嘅亞洲之旅瞓身宣傳。馬友友話自己喺法國出生，而父親就係浙江人，當佢首次回到寧波時，感覺好奇妙。今次亞洲之旅首站由香港開始，然後喺內地五個城市各表演一場，尾場就喺韓國首爾上演。
今次表演嘅曲目中，《波斯詩歌》屬世界首演，由馬友友同卡滿札琴（Kamancheh）演奏家賈賀爾合奏，卡滿札琴音色類似二胡，到時必擦出火花。
馬友友（右五）同合奏團成員宣傳亞洲之旅，期間佢會同賈賀爾（右四）首次演繹《波斯詩歌》。
